عام ہے کوچہ و بازار میں سرکار کی بات
اب سر راہ بھی ہوتی ہے، سرِ دار کی بات
ہم جو کرتے ہیں کہیں مصر کے بازار کی بات
لوگ پا لیتے ہیں یوسفؔ کے خریدار کی بات
مدتوں لب پہ رہی نرگسِ بیمار کی بات
غنچے دل تنگ، ہوا بند، نشیمن ویراں
باعثِ مرگ ہے میرے لیے غمخوار کی بات
بُوئے گل لے کے صبا کنجِ قفس تک پہنچی
لاکھ پردوں میں بھی پھیلی شبِ گلزار کی بات
زندگی درد میں ڈوبی ہوئی لے ہے راہیؔ
ایسے عالم میں کسے یاد رہے پیار کی بات
احمد راہی
No comments:
Post a Comment