یوں بھی اکثر تری تصویر نظر آتی ہے

یوں بھی اکثر تِری تصویر نظر آتی ہے

بے خودی ہوش کی تعبیر نظر آتی ہے

اس کی بیداد کو کچھ کام ہے شاید اس سے

موت میں تھوڑی سے تاخیر نظر آتی ہے

شام ہے اور مسافر کو افق کے نزدیک

ایک گرتی ہوئی تعمیر نظر آتی ہے

کیوں نہ اے عقل خرابات سے ہو کر نکلیں

اس طرف تھوڑی سی تنویر نظر آتی ہے

اے خداوندِ چمن! کیسا چمن ہے تیرا

جو کلی ہے وہی دلگیر نظر آتی ہے

فردِ اعمال میں ہے صرف خرابات کا ذکر

یہ کسی رِند کی تحریر نظر آتی ہے

اور تو دل میں عدمؔ کچھ نہیں پایا جاتا

ایک روتی ہوئی تصویر نظر آتی ہے

عبدالحمید عدم