یہ آگ یونہی دلوں میں بھڑک نہیں جاتی

 یہ آگ یونہی دلوں میں بھڑک نہیں جاتی

فصیلِ ذہن سے تصویرِ شک نہیں جاتی

حنائی ہاتھ کی پوروں کا لمس وہ شے ہے

کہ اس گلاب کی برسوں مہک نہیں جاتی

ہوائے وقت اڑا لے گئی سبھی منظر

نظر سے تیری وہ پہلی جھلک نہیں جاتی

یہ بیج زخموں کے وارفتگی جواں کرے گی

یہ فصلِ گِریہ ہے عجلت میں پک نہیں جاتی

اسی لیے ہے یہ چہرہ ہمارا گرد آلود

تمہارے گاؤں کو پکی سڑک نہیں جاتی

ترے وصال کے لمحے ہیں دل پہ ثبت ابھی

سو تیرے ہجر کی دل سے کسک نہیں جاتی

وہ میرے دل میں یوں لڑکھڑا رہی ہے حسن

کہ جس طرح کوئی دیوی بہک نہیں جاتی

عطاءالحسن