دل ہے تمہارے عشق میں کعبہ بنا ہوا

 اب تو عطائے دید ہو اے عکسِ کبریا

دل ہے تمہارے عشق میں کعبہ بنا ہوا

اے شیخ ہم سے بغض ہی رکھیو گا حشر تک

تیرے خدا کو ہم نے بھی سجدہ نہیں کیا

مسجد کے سامنے بھی سجایا ہے مےکدہ

واعظ ہماری خلد کے اندر نہیں رہا

اے حسنِ حور میں ترے دھوکے سے بچ گیا

مِینا مری گواہ، میں مسجد نہیں گیا

ہم کو بھی کوئی ڈھونڈ رہا ہے جہان میں

ہم جس کو ڈھونڈتے ہیں ابھی تک نہیں ملا

مصلوب ہو چکا ہوں مگر جی رہا ہوں میں

دار و رسن سے ہو کے بھی مُردہ نہیں گیا

پھر کیجئے گا آپ محبت بھی شوق سے

صحرا کی خاک سے کسی جوگی کو ڈھونڈ لا

حفیظ جوگی