سورج مِری ہتھیلی پہ یادوں کا دھر گئے
مجھ کو تڑپتا چھوڑ کے جانے کدھر گئے
جو خواب میرے ان میں مِرے وہ بھی دیکھتے
آنکھوں کی تم تو صرف بناوٹ پہ مر گئے
مایوسیوں کی راہ پہ یوں مجھ کو چھوڑ کر
خود جانے کس کے ساتھ کہاں اور کدھر گئے
روداد مختصر سی ہے اپنی حیات کی
تیرے کرم کے ساتھ جئے اور مر گئے
پہلے تو اہلِ زر نے مِری دھوپ چھین لی
پھر تُند اس ہوا میں مِرے بام و در گئے
راضی نہ ہو سکا وہ ملاقات پر کبھی
کیا کیا بدل کے بھیس مِرے نامہ بر گئے
درکارآئینہ تھا مِرے شہر کو بھی رض
دیکھا جب آئینہ تو کئی لوگ ڈر گئے
رضوانہ ملک
No comments:
Post a Comment