کچھ بھی نہ کہا اور کہہ بھی گئے کچھ کہتے کہتے رہ بھی گئے

کچھ بھی نہ کہا اور کہہ بھی گئے

فلمی گیت

جو حال پوچھا تو ہم حالِ دل سنا نہ سکے

زباں پہ آئے فسانے تو لب ہلا نہ سکے

کچھ بھی نہ کہا اور کہہ بھی گئے

کچھ کہتے کہتے رہ بھی گئے

کچھ بھی نہ کہا اور کہہ بھی گئے

باتیں جو زباں تک آ نہ سکیں

آنکھوں نے کہیں آنکھوں نے سنیں

کچھ ہونٹوں پر کچھ آنکھوں میں

ان کہے فسانے رہ بھی گئے

کچھ بھی نہ کہا اور کہہ بھی گئے

کچھ کہتے کہتے رہ بھی گئے

دیکھیں گے انہیں دل کہتا تھا

جب دیکھا تو دیکھا نہ گیا

کچھ نکلے کچھ بے چین ہوئے

کچھ ارماں دل میں رہ بھی گئے

کچھ بھی نہ کہا اور کہہ بھی گئے

کچھ کہتے کہتے رہ بھی گئے

تنویر نقوی