خوف کی لہر اک اٹھی ہے ابھی

تضمین بر کلام ناصر کاظمی

خوف کی لہر اک اُٹھی ہے ابھی

ہر طرف کھلبلی مچی ہے ابھی

یہ وبا سُن}ی ہے کہ شیعہ ہے؟

یہی تحقیق چل رہی ہے ابھی

"کچھ تو نازک مزاج ہیں ہم بھی"

پھر وبا بھی نئی نئی ہے ابھی

قہوہ پینا ہے، بھاپ لینی ہے

پاس میں کیتلی رکھی ہے ابھی

یہ وبا ختم ہو گی ہفتوں میں

ایک "امداد" کی کمی ہے ابھی

تُو قرنطینہ میں ہے مولانا؟

یہ نظر تُجھ کو ڈُھونڈتی ہے ابھی

ایم این اے شہر کے نہیں مِلتے

موت اُن کو پڑی ہوئی ہے ابھی

عشقیہ شعر ہوں تو کیسے ظفر؟

بے کلی سی ہے، بے بسی ہے ابھی

کچھ کرونا کا خوف لاحق ہے

اور بیگم بھی جاگتی ہے ابھی

عمران ظفر