ایک تو نے ہی مرا حال نہ جانا جاناں

 ایک تُو نے ہی مِرا حال نہ جانا جاناں

ورنہ جانے ہے مجھے سارا زمانہ جاناں

بیقراری دلِ بیتاب کو اب تک ہے وہی

رہ گیا یاد تیرا روٹھ کے جانا جاناں

کھو نہ جانا کہیں تم دنیا کے اس میلے میں

جاؤ جاتے ہو تو پھر لوٹ بھی آنا جاناں

کھیل یہ بھی ہے کہ کوئی کھیل کہ بچوں کی طرح

ایک ہی نام کو لکھ لکھ کے مٹانا جاناں

اک مسافر ہوں مجھے رات بسر کرنا ہے

رات کی رات کوئی ٹھور ٹھکانا جاناں

نِت نیا اپنا تِرے وعدے باور کرنا

نت نیا تیرا نہ آنے پہ بہانہ جاناں

دیکھتی جائیں ہیں آنکھیں تجھے منزلِ منزل

دل پکارے ہی چلا جائے ہے جاناں جاناں

آ گئی ہے مِری گرداب میں کشتی عابد

تُو کھِویّا ہے تو اُس پار لگانا جاناں

عابد جعفری

آٹھواں سمندر