یاقوت و زبرجد بھی تو مرجان بھی تو ہے

 یاقوت و زبرجد بھی تُو مرجان بھی تُو ہے

پتھر سے تراشا ہوا انسان بھی تو ہے

تُو نے ہی تو بھیجے تھے کرائے کے یہ قاتل

لوگوں میں مِرے قتل پہ حیران بھی تو ہے

ہر پَل تِری ازش کے حوادث میں گھِرا ہوں

میرے لیے ہر وقت پریشان بھی تو ہے

میری طرح تُو بھی سفرِ شوق پہ نکلے

میری طرح اب بے سر و سامان بھی تو ہے

ناطق نہ مراسم نہ تعلق نہ کوئی ربط

سوچوں تو مِری روح مِری جان بھی تو ہے

ناطق جعفری