مرے خیال میں ایک عارضی سہارا تھا

 مِرے خیال میں ایک عارضی سہارا تھا

مگر وہ شخص مِرا دائمی سہارا تھا 

میں اک حسیں کی بدولت ہُوا اُجالا شناس

وگرنہ، پہلے مِرا تیرگی سہارا تھا 

تجھے میں کتنی دلیلیں دوں اپنی چاہت کی

یقین کر تُو مِرا واقعی سہارا تھا

یہ تجھ سے کس نے کہا؛ پاس بیٹھ، ہاتھ ملا

ہم ایسوں کو تیری موجودگی سہارا تھا 

پھر اس کے بعد یہ بیساکھیاں تھما دی گئیں

وہ گل بدن ہی مِرا آخری سہارا تھا 

حسنین اقبال