عشق افشا ہو گیا ہم روشنی میں آ گئے
کتنے پردے کام اک بے پردگی میں آ گئے
راہِ ممنوعہ کی جانب بھی قدم اٹھ ہی گئے
جس طرف آنا نہ تھا ہم بے خودی میں آ گئے
نا خدا کا کام بھی موجِ تلاطم نے کیا
ڈوبنے والے حدِ ساحل رسی میں آ گئے
غم کی کیفیت نے آنسو زیبِ مژگاں کر دئیے
شام ہوتے ہی ستارے روشنی میں آ گئے
مانی کہہ دو شاعری جزویست از پیغمبری
ہم پئے تبلیغ ملکِ دلبری میں آ گئے
مانی ناگپوری
No comments:
Post a Comment