ہوتا ہی نہیں دل کا یہ آزار مکمل
میں ہو گئی ہوں آپ سے بیزار مکمل
یہ عشق کسی سے بھی رعایت نہیں کرتا
کر دیتا ہے انسان کو مسمار مکمل
پہلے تو بہانے سے مجھے ٹالتا تھا وہ
اور آج کیا میں نے بھی انکار مکمل
مشروب مجھے لاکھ بھلے اور پلا دو
بن چائے کے ہوتی نہیں افطار مکمل
یہ زندگی بھی ایک عجب مسئلہ ہے دوست
چلتے رہو پھر بھی نہ ہو رفتار مکمل
محسوس یہ ہوتا ہے تِری آنکھوں سے اقراء
تُو خواب سے ہو پائی نہ بیدار مکمل
اقراء عافیہ
No comments:
Post a Comment