دل آنگن میں اگتے پھول
میری ہجرِ مسلسل کے صحرا میں
تپتی جھلستی ہوئی زندگانی کی
اس رائیگاں دوپہر کو
محبت کی بارش میں بھیگی ہوئی
کوئی اک شام دے
میں بھلا کب تلک
یونہی بے نام سے دائروں میں
تری اس نظر سے یوں کوسوں پرے جی رہوں
میں بھلا کب تلک
تیری ہو کے بھی
دنیا سے اپنا تعلق چھپانے کا ناٹک کروں
میرے بے نامیوں کے گھنیرے اندھیروں میں
کچھ روشنی کا وسیلہ بنا
مجھ کو اک نام دے
میری برفاف ٹھٹھری سی یہ انگلیاں
اپنے ہونٹوں پہ رکھ
میری تہ میں پڑے
منجمد اس بدن کا بھی ادراک کر
آگ ہی کچھ جلا
مجھ کو مجھ سے ملا
میرے سوکھے لبوں کو
محبت بھرا وصل کا جام دے
میں کہ تیری جدائی کو
سینے لگائے ہوئے جی رہی تھی
چُبھن میری شریانوں میں رچ گئی تھی
تُو میرے اُدھڑتے بدن پر زرا رحم کر
اب جو تُو آ گیا ہے، تو آ
میرے سینے سے لگ
مجھ کو آرام دے
بشریٰ شاہ
بشریٰ شہزادی
No comments:
Post a Comment