عذابِ جاں ہوا پستہ قدوں کے شہر میں آنا
سرِ آئینہ خانہ خواب کے شیشے بکھر جانا
میں وہ طائر کہ ہے پرواز جس کی مستقل جاری
تلاشِ لا مکاں میں کہکشاں کے پار ہے جانا
کہاں وہ چل دئیے ہیں قافلے ڈھونڈیں کہاں ان کو
نہ ہے گردِ سفر باقی،۔ نہ رستہ جانا پہچانا
تمناؤں کی شورش ہے تو اے شوریدہ خاطر اب
شکستہ ہی سہی اک آئینہ تو ڈھونڈ کر لانا
اسے اب سادگی کہیۓ کہ حدِ عاشقی کہیۓ
تِرے ہاتھوں میں جو پتھر تھے ان کو پھول ہی جانا
پروین شیر
No comments:
Post a Comment