تیرے سنگ بِتائے پل کی مستی ہے
پل پل ساتھ دل پاگل کی مستی ہے
پیلے پھولوں کی اتنی اوقات کہاں
سرسوں میں میرے آنچل کی مستی ہے
کیسی ہے یہ عشق جنوں کی سرشاری
صحرا میں بھی اک جنگل کی مستی ہے
رستے سارے ناچ رہے ہین ساتھ میرے
آج یہ کیسی دل چنچل کی مستی ہے
پیاسا تاہی سیدھا رستہ بھول گیا
گوری کے میٹھے چھاگل کی مستی ہے
بھیگا بھیگا سفر کٹا پردیسی کا
دھیرے سے پھیلے کاجل کی مستی ہے
فاخرہ انجم
No comments:
Post a Comment