نوید صادق کو لکھا گیا خط
نوید صادق بھائی
آپ تو جانتے ہیں
خانہ بدوشوں کے پاس بس محبت اثاثہ ہوتی ہے
وہ دھڑکنوں کے افسانوں میں
حساسیت کی اذانوں میں
مقطعات آرزو کی تسبیح کرتے رہتے ہیں
ہم خانہ بدوش، سیلانی، آوارہ
حلقہ بگوش خمار انجیل وفا کی تلاوت کرتے ہوئے
زبور بہار کی نظموں کو گنگناتے رہتے ہیں
عقیلۂ بنی سحر کے خطبوں کو سنتے ہوئے
قمر بنی عشق کی چاندنی میں
صالحینِ وفا کی خاطر
مقتل میں بھی کسی کی ہمسائیگی قبول نہیں کرتے
تنہا ہی قتل ہو جاتے ہیں
منصف ہاشمی
No comments:
Post a Comment