اس قدر ہے بیش قیمت زندگانی کے لیے
صنفِ نازک ہے ضروری شادمانی کے لیے
بچپنے میں کھل گیا سب پر کہ ہوں عاشق مزاج
چوڑیاں میں نے خریدیں جب ممانی کے لیے
دوش مت لڑکوں کو دیجے، آج کل کی لڑکیاں
کرتی ہیں آمادہ خود ہی چھیڑ خانی کے لیے
مرد بیچاروں کا اک گولی بھی کھانا جرم ہے
عورتیں کیا کیا نہیں کرتیں جوانی کے لیے
یہ پولیس والے ہیں ان کی دوستی اچھی نہیں
آپ ان سے دور رہیۓ مہربانی کے لیے
پہلی بیوی کر گئی تھی یہ وصیت مرتے دم
اس لیے مجبور ہوں میں عقدِ ثانی کے لیے
رضی امروہوی
No comments:
Post a Comment