سنو
تم نے کہا تھا نا
تمہیں مُسکان اچھی لگتی ہے
بارش بھیگ جائے تو
بہنے والے آنسوؤں کا پتہ نہیں دیتی
یہ وحشتوں کا شور
مسکرانے پر دبا جاتا ہے
حوصلے لوٹ آتے ہیں
سائے سے مسکراتے ہیں
سنو
تمہارے جانے کے بعد میں کبھی رویا نہیں
وہیں پر کھڑا ہوں
جہاں ستارے ٹوٹے تھے
اب بھی
قہقہے بھرے آنسوؤں میں
مِرے اندر اک طوفاں برپا ہے
درد کی ایک ایک مُسکان زندہ ہے
سنو
تمہارے جانے کے بعد میں کبھی رویا نہیں
چھل گیا ہوں
مگر کبھی سویا نہیں
تمہارا درد آنسوؤں کے ساتھ گنگناتا رہتا ہوں
میں کھڑا مسکراتا رہتا ہوں
سنو
تم نے کہا تھا نا
تمہیں مُسکان اچھی لگتی ہے
شعیب راؤ
No comments:
Post a Comment