دل وحشی کہاں سنبھلتا ہے

 دلِ وحشی کہاں سنبھلتا ہے

اور بھی ہاتھ سے نکلتا ہے

کمسنی میں یہ عشق کے سودے

جاں پگھلتی ہے، دل پگھلتا ہے

اس کا دامن ابھی چھوا بھی نہیں

ہاتھ میرا، ابھی سے جلتا ہے

محورِ عشق ہے وہی عاشق

جس کا چاہت میں دم نکلتا ہے

تِرے پہلو میں جا کے دم لے گا

دل دھڑکتا نہیں ہے، چلتا ہے

روشنی سے، ہوا، نہ پانی سے

عشق تو بس لہو سے پلتا ہے

ہم چلے تھے نشانِ عبرت ہیں

دل کی منشا پہ کون چلتا یے

سامی اعجاز