نہ کوئی آنکھ ہو میلی نہ دل ہی کالا رہے

عارفانہ کلام حمدیہ کلام

نہ کوئی آنکھ ہو میلی، نہ دل ہی کالا رہے

وہ نور دے کہ نہ کوئی بھٹکنے والا رہے 

شعور و فکر کے ایسے چراغ دے ہم کو 

جہالتوں کا کہیں ذکر، نہ حوالہ رہے

نہ رہگزر نہ کوئی رہنما ہو تیرے سوا

کوئی کلیسا و مندر ہو، نہ شوالا رہے

چراغ علم کے ایسے ہمیں ودیعت کر

کہ ظلمتوں کا کہیں بھی نہ بول بالا رہے

میرے خدا! ہمیں وہ روشنی عطا کر، کہ

دِیے بجھا بھی دئیے جائیں تو اجالا رہے

احمد بشیر طاہر