دل کو خوں رلاتی ہے آج بھی یاد حسین کی

 منقبت امام حسین

دل کو خوں رلاتی ہے آج بھی یاد حسینؑ کی

اک پیام لاتی ہے آج بھی یاد حسین کی

ولولوں کا نام ہے،۔ درد کی نوید ہے

روشنی دکھاتی ہے آج بھی یاد حسین کی

آنسوؤں کی بارش ہو، رتجگے کی خواہش ہو

بزم کو سجاتی ہے آج بھی یاد حسین کی

جذبہ خدائی تھا،۔ رنگ مصطفائیﷺ تھا

دل میں جوش کھاتی ہے آج بھی یاد حسین کی

اہلِ وفا بھی روتے ہیں، اہلِ جفا بھی روتے ہیں

سارا جگ رُلائی ہے آج بھی یاد حسین کی

یوسف عالمگیرین