یہ کیسا عیب مرے شہر کو لگا ہوا ہے

 یہ کیسا عیب مِرے شہر کو لگا ہوا ہے

جسے بھی دیکھیے وہ ہی خدا بنا ہوا ہے

یہ جس کے قرب پہ تُو بار بار اترائے

وہ حسن کل ہی مِرے عشق سے رہا ہوا ہے

اسے تو میں نے سکھایا تھا کیسے چلتے ہیں

وہ شخص جو کہ تِرا حوصلہ بنا ہوا ہے

یہ درد، درد نہیں ہے دوا ہے یار مِری

کسی فصیل کو ملبے کا آسرا ہوا ہے

میں تجھ کو روکنے آیا ہو یار چل مِرے ساتھ

تُو میرا دوست ہے اور عشق میں پڑا ہوا ہے

بچھڑ کے تجھ سے اگر نیند آ گئی ہے مجھے

تو جان لے کہ یہ تیرے لیے برا ہوا ہے

اویس علی