دسمبر لوٹ آیا ہے
تمہاری یاد لوٹ آئی
مِرے بچو ذرا جنت سے دنیا میں
نظر اک بار دوڑاؤ
تمہاری یاد میں دیکھو
اداسی ہر طرف پھیلی
ہے ماتم سا ہر اک لمحہ
کئی آنکھوں میں نم جاری
مِرے بچو سلامی دے رہی ہے
تم کو ساری قوم مل کر یوں
امن کے دیپ تھامے دشمنوں کو کہہ رہے ہیں سب
ہمارے بچے بہتر ہیں ہزاروں درجہ بھی تم سے
کے اتنی چھوٹی عمروں میں
قلم کی نوک پر گولی کو روکا روک کر
دشمن کو ایسی مات دی کے اب وہ دشمن خاک میں مل گئے
مِرے بچے امر ہو گئے
مِرے بچو سلام ان ماؤں پر
جن کے شکم میں رہ کے وطنِ پاک کو زندہ کیا تم نے
مِرے بچو سلام اس باپ کی عظمت پہ
انگلی تھام کے جس نے تمہیں چلنا سکھایا ہے
وطن پہ جاں لٹانے کا طریقہ بھی سکھایا ہے
مِرے بچو محبت اور عقیدت کے سبھی یہ پھول حاضر ہیں
مگر یہ بھی حقیقت ہے
تمہاری یاد میں
دیکھو
فضا پر خوف طاری ہے
ہوا میں سوگ جاری ہے
ذیشان منظور
No comments:
Post a Comment