اے ارض وطن میں حاضر ہوں

 میں حاضر ہوں

اے ارضِ وطن

میں حاضر ہوں

دل حاضر ہے

سر حاضر ہے

میرا کل اثاثہ

یہ خاکِ وطن

میں اپنے لہو سے 

سینچوں یہ چمن

اے ارضِ وطن

میں حاضر ہوں

تیری حرمت

جاں سے عزیز تر

یہ سبز ہلالی اونچا رہے

یہ خاک بنے میرا مدفن

اے ارضِ وطن

میں حاضر ہوں

گر بات ہو تجھ سے عشق کی

شبنم میں لپٹا فولاد ہوں میں

گر بات ہو تیری حفاظت کی

میں حیدرؑ کی تلوار ہوں

گر دشمن کوئی دیکھے تجھے

میں سر تا پا قہار ہوں

میں غازی بنوں یا شہید

میرے لہو کا ایک اک قطرہ

تجھ پہ ہی نثار ہے

اے ارضِ وطن

میں حاضر ہوں

میں حاضر ہوں

ماہا وڑائچ