تِری گلی میں دوپہریں سبھی مناؤں گا
بدن کو تیری محبت میں یوں جلاؤں گا
تمہارے شہر میں آؤں گا لوٹ کر، لیکن
کسی بھی پھول کی خوشبو نہیں چُراؤں گا
وہ فاختہ جو کبھی آئے میرے گھر کی طرف
میں پیڑ بن کے گلے سے اسے لگاؤں گا
اس ایک سوچ میں وہ روز خون روتی ہے
میں بھول جاؤں گا اور پھر بھی یاد آؤں گا
کسی غریب کے بچے کی بد دعا نہ لگے
بس اتنا سوچ کے خیمے نہیں جلاؤں گا
ثمر علی
ثمر محمد علی
No comments:
Post a Comment