تمہاری یاد کا ساون کہاں سے آتا ہے

 تمہاری یاد کا ساون کہاں سے آتا ہے

یہ میری جان کا دشمن کہاں سے آتا ہے

شریکِ جام نہیں ہوں مگر یہ سوچتا ہوں

تِرا بھرا ہوا برتن کہاں سے آتا ہے

یہ پائلیں تو مِری طبع زاد ہیں لیکن

مِرے کلام میں گنگن کہاں سے آتا ہے

فلک کو دیکھ رہا ہوں سوال کرتے ہوئے

ستارۂ رخِ روشن کہاں سے آتا ہے

حضور ہم تو رہینِ درِ محبت ہیں

حضور آپ کا راشن کہاں سے آتا ہے

اگر تجھے بھی خیالِ گدائے یار نہیں

تو روز رات کو سالن کہاں سے آتا ہے

اکرام عارفی