وصل کیا ہے
تمہارا لمس یا قربت کی گھڑی
وصل ہے قوتِ پروازِ تخیل کہ جب
میں تمہیں یاد کروں تو تمہیں سنائی دے
میری پکار سماعت سے یوں ٹکراتی ہوئی
کہ جیسے کان کی لَو کوئی جھونکا چُھو جائے
اور وہم گزرے کسی نے پکارا ہے شاید
نہیں یہ وِہم نہیں یہ حقیقی باتیں ہیں
مجازی عشق حقیقی سے مستعاری ہے
اس کے سب ہی اصول، ایک رمز رکھتے ہیں
اس میں سب وجد میں قربت کا مزا چکھتے ہیں
سنو قربت ہے کیا
میں تم کو چُھو کر آ جاؤں
نہیں یہ ساتویں حِس ہے
کہ جس میں آواز کی لہریں
دکھائی دیتی ہیں
جس میں نظروں کی بھی دھڑکن سنائی دیتی ہے
کبھی تم نے میری آنکھوں میں نہیں دیکھا نا
میری آنکھوں میں مسلسل جو دھڑکتا ہے وہ
تمہاری دید کی خواہش تمہارا چِہرہ ہے
عشق ہے ساتویں حِس
عشق راز گہرا ہے
صائمہ یوسفزئی
No comments:
Post a Comment