غلغلہ ہے ہر طرف اس حسن عالمگیر کا

 عارفانہ کلام، حمد، نعت، منقبت

غلغلہ ہے ہر طرف اس حسنِ عالمگیر کا​

مصدر و مطلع ہے جو آفاق کی تنویر کا​

نغمۂ صلِ و سلم ہے ضیائے قلب و جاں​

بسلمہ تزئین و غازہ ہے رخِ تحریر کا​

شکر ہے بے چوں محمِدؐ کے محمدؐ کے طفیل​

مل گیا طغرا ہمیں فردوس کی جاگیر کا

​میں سگِ کوئے شہنشاہِ مدینہﷺ ہوں ندیم​

مجھ سے بڑھ سکتا نہیں رتبہ کسی قطمیر کا​

اے خوشا یا مرحبا، صلِ علیٰﷺ، یا حبذا​

حمد مطلع ہے نبیﷺ کے نام کی تفسیر کا​

ذکرِ مولائے نبیﷺ بے ارتیاب و بے گماں​

نسخہ حق الیقیں ہے نفس کی تسخیر کا​

میں بہ سوگند خدائے صدق کہتا ہوں، سبب​

نعتِ احمدﷺ ہے مری توقیر میں توفیر کا​

آپﷺ کی آمد سے پہلے آدمیت خوار تھی​

راج تھا ہر سو زمانے میں دمِ شمشیر کا​

خطرہ اہلاک دنیا ٹل گیا ان کے طفیل​

ورنہ ساماں ہو چکا تھا خلق کی تدمیر کا​

مشکلیں آساں ہوئیں ان کے توسل سے تمام​

آ سکا نہ کام کچھ لرزہ کسی زنجیر کا​

نعت کہنے کے لیے توفیقِ حق ہے لابدی​

ہے وگرنہ نعت کہنا لانا جوئے شیر کا​

دیدِ رخسارِ نبی سے جان میں جاں آ گئی​

میں تھا ناظم عکس بس دیوار کی تصویر کا​

بشیر حسین ناظم