شرحِ خُونِ آرزو کا اک نیا انداز ہُوں
گرمئ احساس سے جو بج اُٹھے وہ ساز ہوں
زلزلوں کی زد میں آئے شہر کے ملبے تلے
جلتی بُجھتی زندگی کی آخری آواز ہوں
پانیوں سے دُور ہوں میں بال و پر ہوتے ہوئے
سالخُوردہ ہنس کی میں حسرتِ پرواز ہوں
میرے ہر حرفِ سخن سے پُھوٹتی ہے روشنی
میں اُجالوں کے جہاں کا نقطۂ آغاز ہوں
اس جہانِ رنگ و بُو میں صُورتِ تحریرِ گُل
میں اگر زندہ ہوں تو اک لمس کا اعزاز ہوں
علیم حیدر
No comments:
Post a Comment