جانتا ہوں کہ وہ وقت بھی آئے گا
جب مِری شاعری کو اچانک کبھی
چاند آکاش گنگا میں نہلائے گا
جانتا ہوں کہ وہ وقت بھی آئے گا
جب زباں کا تعصب نہ ہو گا کہیں
میری خوشبو سے ہر اک مہک جائے گا
جانتا ہوں کہ وہ وقت بھی آئے گا
جب نگر اور ڈگر ایک ہو جائیں گے
میرا آدرش جب مجھ کو اپنائے گا
جانتا ہوں کہ وہ وقت بھی آئے گا
میری مدفون مٹی پہ روؤ گے تم
کوئی راہی مِرا گیت جب گائے گا
شیخ ایاز
No comments:
Post a Comment