اس کا دل ہوتا زمانے میں کبھی شاد نہیں

 عارفانہ کلام حمد نعت منقبت

اس کا دل ہوتا زمانے میں کبھی شاد نہیں

جس کا دل یار کی الفت سے ہے آباد نہیں

جن کے سینے میں ہے محبوبؐ خدا کی الفت

وہ کبھی ہوتے زمانے میں ہیں برباد نہیں

جو نبیؐ نے ہے کہا کرتے ہیں دیوانے وہی

اپنی جانب سے وہ کچھ کرتے ہیں ایجاد نہیں

خیر و برکت سے بہت دور نظر آتے ہیں

جن کے گھر ہوتا ہے سرکارؐ کا میلاد نہیں

وہ زمانے میں نہیں لائقِ تعظیم کبھی

جس کے دل میں شہِؐ والا ہے تِری یاد نہیں

ان سے رکھیں تو بھلا کیسے توقع رکھیں

جو غریبوں کی کبھی کرتے ہیں امداد نہیں

بھیک سرکارؐ کی چوکھٹ سے جنہیں مل جائے

کرتے اوروں سے ہیں جاوید وہ فریاد نہیں

محمد جاوید وارثی