ہر بڑے سے بڑی ہے بڑائی تِری
عرش سے بھی پرے ہے رسائی تری
اس قدر رب نے عظمت بڑھائی تری
مدح خواں ہو گئی کُل خدائی تری
جب اُٹھے ہاتھ میرے دُعا کے لیے
میں نے مانگی خدا سے گدائی تری
زندگی پر تِرا رنگ چڑھنے لگا
جب سے تصویر دل میں بسائی تری
جب لحد میں فرشتوں نے پوچھے سوال
کام آئی بہت آشنائی تری
میں جو غم سے گِھرا یا کبھی خوش ہوا
مجھ کو ہر حال میں یاد آئی تری
تیرے یاور ہیں کاشف تِرے مصطفیٰؐ
کیوں غم دل سے ہو نہ رہائی تری
کاشف بریلوی
عدنان علی
No comments:
Post a Comment