عارفانہ کلام حمد نعت منقبت
کشادہ ذہن میں آتی ہے رفعتِ عثمانؓ
عظیم دل میں سماتی ہے عظمتِ عثمانؓ
حسینیؑ کون ہے اور کون ہے سبائی یہاں
نسب سبھی کے بتاتی ہے نسبتِ عثمانؓ
عراق ان کا، فلسطین ان کا، شام ان کا
کہاں کہاں نظر آتی ہے سطوتِ عثمانؓ
مقام کیا ہے بھلا آپ کی طہارت کا
فرشتوں تک میں جو پہنچی ہے شہرتِ عثمانؓ
ہم ان کے در کے قصیدہ نگار، ان کے فقیر
ہمیں امیر بناتی ہے دولتِ عثمانؓ
رسولِ پاکؐ کے دو مرتبہ بنے داماد
نبیؐ کے کتنے مُقرّب ہیں حضرتِ عثمانؓ
کسی خبیث کے آگے جُھکی، نہ جُھکنی تھی
نہ جُھکنی چاہیے شاہین! غیرتِ عثمانؓ
مصعب شاہین
No comments:
Post a Comment