تو پنجتن کے سائے میں اس گھر تلک تو آ

 عارفانہ کلام حمد نعت منقبت

تو پنجتن کے سائے میں اس گھر تلک تو آ

او بد نصیب! اپنے مقدر تلک تو آ

لے کر علیؑ کا عکس حسنؑ اور حسینؑ سے

عباسؑ سے گُزر علیؑ اکبر تلک تو آ

تیرے شماریاتِ سوالات مرحبا

بارہ شمار کرنے بہتّر تلک تو آ

شاید تجھے نصیب ہو دیدارِ ذوالفقار

بدر و اُحد کی راہ سے خیبر تلک تو آ

رہ جائے کا دھرا تِرا شوقِ پیمبری

تُو کربلا میں سبطِ پیمبر تلک تو آ

ممبر تلک رسائی کی خواہش ضرور رکھ

پہلے علیؑ کے قدموں میں قنبر تلک تو آ

بیرونِ غارِ ثور مناظر عجیب ہیں

ہجرت کی شب رسولؐ کے بستر تلک تو آ

شکیل جعفری