عکس جنت کا نبئ پاک کا دربار ہے

 عارفانہ کلام حمد نعت منقبت

ہم سے آشفتہ سرا کو دل سے  یہ اقرار ہے

عکس جنت کا نبئ پاکﷺ کا دربار ہے

اس کی آنکھیں قیمتی ہر شے سے بڑھ کر ہیں جناب

جس کی آنکھوں کو بھی حاصل آپؐ کا دیدار ہے 

چودہ سو سالوں سے جس پہ ناز ہے اس دہر کو 

وہ خدا کا نیک بندہ سید ابرارﷺ ہے

کہہ رہی ہے یہ سسک کر آج پھر انسانیت

آپﷺ سے اچھا نہ دنیا میں کوئی غمخوار ہے

با خدا وہ خوبصورت اور حسیں ہے دوستو

جس کسی کا دل نبیؐ کے عشق سے سرشار ہے

کہہ رہا ہے دیکھیے خود ہی خدا قرآن میں 

خیر امت سے ملقب امت سرکارﷺ ہے

آپ سے بڑھ کر جہاں میں کچھ نہیں ہے باخدا

جان و دل سے آپﷺ پر میرا فدا گھر بار ہے

ہو طلب دولت کی جن کو ان کو دولت دے خدا 

میری تو خواہش مِرے محبوبؐ کا بس پیار ہے 

اس کے دل میں کب شفا کی ہو گی اے کاظم طلب 

جو محمد مصطفٰےﷺ کے عشق میں بیمار ہے

کاظم شیرازی