مرا مالک مرا داتا مرا غمخوار تو یا رب

  عارفانہ کلام حمد نعت منقبت

مِرا مالک، مِرا داتا، مِرا غمخوار تُو یا رب

مِرا رہبر، مِرا مونس، مِرا مختار تُو یا رب 

تِرا کوئی نہیں ساتھی ہمیشہ سے اکیلا ہے

تُو احد اور صمد ہر پل ہے بس بیدار تُو یا رب

عطا پہچان حق کی ہے تِری نعمت مِرے اللہ 

تِرے جلوے ہیں ہر سُو فکر میں ضو بار تُو یا رب 

نگاہِ قلب کو تُو نے ہے بخشی معرفت تیری

ستائش کا، ثناء کا، حمد کا حقدار تُو یا رب

 میں مصروفِ ثناء رہنے لگی ہوں دَین ہے تیری 

مِرے کردار میں ہے تُو، مِری گفتار تُو یا رب 

جہاں بھی دیکھتی ہوں جلوے کُن کے ہیں وہاں بکھرے

مصور تُو ہی ہے، اور خالق و جبَّار تُو یا رب

سدا مُشکل سے مجھ دلشاد کو تُو نے بچایا ہے

مِرا مُشکل کُشا تُو ہی، مِرا مُختار تُو یا رب

شگفتہ دلشاد