عارفانہ کلام حمد نعت منقبت
لبِ امروز پر ہے نعت ان کی
جو ماضی میں ہے فردا بولتا ہے
انہی کے ہاتھ ہے اب لاج میری
رُخِ ہستی کا پردہ بولتا ہے
انہیں پر ناز کرتا ہے زمانہ
وہی ہیں سب کے نیتا بولتا ہے
جو ہے سنسار میں جویا خدا کا
کرے ہے ان کی پوجا بولتا ہے
انہی کی یاد میں دن رات عاشق
مری روشن ہے کٹیا بولتا ہے
بلاتے ہیں جنہیں وہ اپنے در پر
انہی کا بس نصیبہ بولتا ہے
کرے ہے خیر کی باتیں جو عاشق
وہی خیر البشر کا بولتا ہے
تصور میں جو آ جائے مدینہ
نظر سے ان کو روضہ بولتا ہے
یہاں ہیں سارے انوارِ الہیٰ
یہ در غارِ حرا کا بولتا ہے
ہو کیسا ہی جہاں میں شہرِ عاشق
مگر ہم سے مدینہ بولتا ہے
سنا ہے آپ کے شعروں میں عاشق
غمِ شاہِ مدینہ بولتا ہے
عاشق کیرانوی
No comments:
Post a Comment