عارفانہ کلام حمد نعت منقبت
رخ نیاز سوئے اہلِ زر نہیں کرتے
وہ اس طرف تو ادھر ہم نظر نہیں کرتے
امید بن کے کسی دل میں گھر نہیں کرتے
جھکیں سلام کو یہ دردِ سر نہیں کرتے
فقیر جس درِ دولت کے ہیں پڑے ہیں وہیں
فرشتے جا نہیں سکتے جہاں کھڑے ہیں وہیں
پہنچ گیا جو وہاں طالع رسا پایا
پڑا جہاں یہ قدم نقشِ مدعا پایا
وہیں سے خضرِ طریقت نے راستا پایا
کہ بے نشاں کا پتہ مل گیا پتا پایا
اب اور چاہیے ہے خشک و تر میں کیا اس کو
جسے حسینؑ ملے، مل گیا خدا اس کو
مرزا اوج لکھنوی
مرزا محمد جعفر اوج
No comments:
Post a Comment