عارفانہ کلام حمد نعت منقبت
در مدح شبیہہ پیمبرؐ امام حسنؑ
کوثر کے خواب کی ہیں یہ تعبیر دیکھیے
احمدﷺ کی با خدا ہیں یہ تصویر دیکھیے
لےکر حسنؑ کو گود میں کہتے تھے مصطفٰیؐ
کوثر کی جیتی جاگتی تفسیر دیکھیے
دیں گے قلم سے مات ہاں اعدائے دین کو
ایسے حسنؑ لڑیں گے بے شمشیر دیکھیے
خود کو امیر کہتے تھے جو آج ہیں کہاں
جنت بھی مجتبٰیؑ کی ہے جاگیر دیکھیے
صلحِ حسنؑ بھی دِینِ خدا کی بقاء بنی
دینِ خدا کی بن گئی توقیر دیکھیے
دلشاد کی زباں پہ ہے مدحت سجی ہوئی
عِشقِ حسنؑ کی آپ بھی تاثیر دیکھیے
شگفتہ دلشاد
No comments:
Post a Comment