عارفانہ کلام حمد نعت منقبت
حسیں سے حسیں تر سماں کر دیا ہے
جو ذکرِ شہہِ دو جہاں کر دیا ہے
یہ کہتے تھے ابنِ مظاہر سبھی سے
مجھے دیکھو شہہؑ نے جواں کر دیا ہے
سب ارزق کے بیٹوں کو قاسمؑ نے پل میں
جہنم کی جانب رواں کر دیا ہے
محرم کی دسویں کو اصغرؑ نے رن میں
تبسم کو تیر و کماں کر دیا ہے
فقط ایک حملے سے اکبرؑ نے سب پر
میں پوتا ہوں کس کا عیاں کر دیا ہے
قیامت ہے دریا پہ مشکیزہ دے کر
کیا غازیؑ کو شہہ ؑ نے رواں کر دیا ہے
یہ آواز تو ہے پیمبرﷺ کی مولا
کیا اکبرؑ کو حکمِ اذاں کر دیا ہے
اجل نے فقط ایک دن میں خدایا
بہشتِ نبیﷺ کو خزاں کر دیا ہے
عدوئے علیؑ فخرؔ نے تیری خاطر
قلم کو بھی اپنے سناں کر دیا ہے
فخر عباس رضوى
No comments:
Post a Comment