غربت کی انتہا ہے نہ سایہ نہ ردا ہے زہرہ تیری لحد پر

 عارفانہ کلام حمد نعت منقبت

غربت کی انتہا ہے نہ سایہ نہ ردا ہے زہرہؑ تیری لحد پر

چند پتھروں نے مل کر محرومہ لکھ دیا ہے زہرہؑ تیری لحد پر

تیروں بھری قبا تھی،۔ زخمی کوئی رِدا تھی

جو شام سے بچا تھا زینبؑ نے رکھ دیا ہے زہرہؑ تیری لحد پر

زندان کی گھٹن سے،۔ ہر لاش بے کفن ہے

عابدؑ نے جو سنبھالا وہ آنسو گر پڑا ہے زہرہؑ تیری لحد پر

کیا یہ دلیل کم ہے،۔ اس کی کمر میں خم ہے

کئی بار آسماں نے سجدہ ادا کیا ہے زہرہؑ تیری لحد پر

سن کر ہوا بھی روئی،۔ خود کربلا بھی روئی

خاکِ رہِ نجف نے جو مرثیہ پڑھا ہے زہرہؑ تیری لحد پر

تیرے غم کی چند سطریں،۔ کام آئیں گی لحد میں

بخشش عقیل کی ہے، یہ نوحہ جو لکھا ہے زہرہؑ تیری لحد پر

عقیل محسن نقوی