عارفانہ کلام حمد نعت منقبت
پیشانئ ترابؑ ہے یا کوئی ستارا
روشن ہے اسی نور سے یہ چاند ہمارا
اس وقت کی ایجاد ہے یہ حیدری نعرہ
جب ضربِ یداللہ سے مرحب ہوا پارا
یوں دستِ نبی رحل کی مانند کھلے ہیں
حیدرؑ کو اٹھایا ہے کہ قرآن کا پارا
اے کُل کے مدد گار سرِ دار کسی نے
اللہ کے ہوتے ہوئے بھی تجھ کو پکارا
تم در پہ رکے ہو یہ کساء اوڑھے ہوئے ہے
تم سے تو بہت آگے ہے سلمان ہمارا
ان کے لیے کیا شے ہے بھلا یہ درِ خیبر
سورج بھی پلٹ آئے جو کر دیں وہ اشارا
انتظار سید
No comments:
Post a Comment