عارفانہ کلام حمد نعت منقبت
ہے التجا کہ اپنا کرم کیجیے حضورﷺ
اب پاس اپنے مجھ کو بلا لیجیے حضورﷺ
پھر اس کے بعد ہیچ ہے دنیا کا تخت و تاج
خیرات اپنے در کی مجھے دیجیے حضورﷺ
جکڑا ہر ایک سمت سے مجھ کو غموں نے ہے
رنج و الم سے مجھ کو چھڑا لیجیے حضورﷺ
مرنے سے پہلے آپؐ کے روضے پہ آ سکوں
اب انتظام اس کا کوئی کیجیے حضورﷺ
اب آپﷺ کے سوا مِرا کوئی نہیں رہا
اپنا بنا کے سب کو دکھا دیجیے حضورﷺ
لکھنے کا حق ادا ہو میں لکھوں جو آپﷺ پر
مجھ کو شرف یہ آپؐ عطا کیجیے حضورﷺ
عاصمہ فراز سلہری
No comments:
Post a Comment