دل کی دہلیز پہ آ، رنج کی تصویر میں آ
خواب! آنکھوں سے نکل، اب کسی تعبیر میں آ
پھر اسیری نے پکارا ہے، تجھے مانگتی ہے
پھر وفا کہتی ہے؛ آ حلقۂ زنجیر میں آ
پھول شادابئ موسم کا ہُنر بھول گئے
تھک بھی جا بادِ صبا! کوچۂ تعزیر میں آ
ابرِ تنہائی! تِری خیر، ذرا کھل کے برس
کچھ دِکھا ظرف مِری پیاس کی جاگیر میں آ
بسترِ خاک پہ لکھ دے مِرا بے چین سکون
سُن حکایاتِ جنوں، مکتبِ تدبیر میں آ
ڈاکٹر ناہید شاہد
No comments:
Post a Comment