عارفانہ کلام حمد نعت منقبت
بطحا کے گلستاں کا بھلا کیا جواب ہے
جنت قسم خدا کی یہاں آب آب ہے
کتنا حسیں دیارِ رسالت مآبﷺ ہے
ہر ذرہ اس زمین کا اک آفتاب ہے
لوگو! یہ صرف صدقۂ عالی جنابؐ ہے
ہم پر خدا کا جو کرمِ بے حساب ہے
ارض و فلک یہ کاہکشاں نجم و ماہ و مہر
یہ ساری کائنات تمہاری جنابﷺ ہے
بس کہہ دیا کہ حق کے لیے ہی جیو مرو
یہ بات بھی خدا کی قسم لاجواب ہے
کیا تجھ کو غم سعید درِ مشکلات کا
تُو خادمِ حسینؑ، سگِ بُو ترابؑ ہے
سعید نعمانی مرادآبادی
No comments:
Post a Comment