عارفانہ کلام حمد نعت منقبت
فتحِ مکہ سے اقتباس
ہوا فتح مکہ سے اسلام روشن
نبیﷺ کی ہدایت کا پیغام روشن
قبائل کا تھا یہ ہمیشہ سے دعویٰ
بُتوں کی خُدائی کا مرکز ہے کعبہ
مسلمانوں نے کعبے پر فتح پائی
نہ کام آئی آخر بُتوں کی دُہائی
عقیدہ قرشیوں کا جھُوٹا ہی نکلا
ہُوا دینِ اسلام کا بول بالا
صدا نُصرتِ حق کی گُونجی ہر اک سُو
گُلِ حق کی پھیلی ہر اک سمت خُوشبو
ہر اک سمت سے اب وفود آ رہے تھے
مسلمان ہونے، یہود آ رہے تھے
رسالت کے پروانے آنے لگے تھے
فدا شمع اسلام پر ہو رہے تھے
کشادہ بہت تھیں نبوت کی راہیں
ملیں حق کی سب مُشرکوں کو پناہیں
مِٹیں کفر کی جتنی نادانیاں تھیں
کہ دینِ محمدﷺ میں آسانیاں تھیں
حافظ کرناٹکی
امجد حسین
No comments:
Post a Comment