عارفانہ کلام حمد نعت منقبت
ان کا نہیں ہے ثانی، نہ ماضی نہ حال میں
میرے نبیﷺ ہیں یکتا جمال و کمال میں
آئے ہیں جب بھی وہ مِرے حسنِ خیال میں
نکھرے تمام رنگ سخن اک جمال میں
ظلمت کو دور کر کے وہ لائے ہیں روشنی
چمکا ہے نور جہل کے ذہن و خیال میں
لائے وہ پنج وقتہ نمازوں کے سلسلے
تحفہ ملا تھا عرش پہ رب سے وصال میں
گزرے ہیں جس طرف سے فضائیں مہک اٹھیں
خوشبوئیں جاگزیں ہیں مِرے خوش خصال میں
آقاﷺ کی ہو رہیں تھیں یہ تم پر عنایتیں
مضمون آ رہے تھے جو زاہد خیال میں
محمد احمد زاہد
No comments:
Post a Comment