عارفانہ کلام حمد نعت منقبت
جب محمدؐ سے کسی شے کی بھی نسبت ہو جائے
پتھروں کی بھی زباں نعت کی صورت ہو جائے
ذکر تو ہوتا ہی رہتا ہے یہاں دنیا کا
آئیے ذکرِ نبیﷺ ذکر رسالتﷺ ہو جائے
خواب میں دیکھ لوں ان کو تو آنکھیں نم ہوں
نام جب لوں میں محمدؐ کا تو مدحت ہو جائے
دل میں جب عشقِ خدا عشقِ نبیؐ کامل ہو
بے نوا ہو کہ گدا صاحبِ ثروت ہو جائے
آپؐ میں صبر و تحمل کا جو دریا ہے رواں
دل میں انساں کے اتر جائے تو طاقت ہو جائے
ایسا دیکھا ہی نہیں ان سے محبت کا اثر
ساری دنیا کو صدف سے بھی محبت ہو جائے
مشتاق صدف
No comments:
Post a Comment