ہاتھ مرے قتل سے تو نہ اے نگار کھینچ

 ہاتھ مرے قتل سے تو نہ اے نگار کھینچ

جسم پر گِراں ہے تیغِ آب دار کھینچ

تو اگر ہے مردِ عشق، چھوڑ آرزوئے وصل

کھینچ رنجِ ہجر کھینچ اور بے شمار کھینچ

حشر پر ہے دیدِ یار دل تُو کیوں ہے بیقرار

اور انتظار کھینچ،۔ اور انتظار کھینچ

دامنِ شکیب میں آنچ نہ آ جائے دیکھ

اے دلِ حزیں! نہ یوں آہِ شعلہ بار کھینچ

کب ہے لطفِ وصلِ یار، جب ہے لطفِ وصلِ یار

وہ کھینچے جو ایک بار، تُو ہزار بار کھینچ

رنجِ عشقِ یار بھی امتحانِ عشق ہے

ہو نہ اختیار کھینچ، ہے جو اختیار کھینچ

ذائق! احتیاجِ غیر ننگِ اہلِ فقر ہے

تُو نہ شکل گلستاں، منتِ بہار کھینچ

ذائق بنگلوری

محمد ابراہیم