کر دیجیے کرم اب سرکار آپ کا ہے

 عارفانہ کلام حمد نعت منقبت

کر دیجیے کرم اب سرکارؐ آپ کا ہے

بندہ گدائے پرور بیمار آپﷺ کا ہے

ہر آنکھ کی ہے ٹھنڈک دل کی یہی تمنا

ہر گام ہر گھڑی وہ دیدار آپﷺ کا ہے

کوئی نہیں جہاں میں جس سے ملا ہو اتنا

جتنا ملا ہے سب کو یہ پیار آپﷺ کا ہے

مولا نے جو بھی نعمت بخشی ہے اس جہاں کو

ہر شئے میں صرف نورِ انوار آپﷺ کا ہے

لکھا جب اسم آقاﷺ دل پھٹ گیا قلم کا

دل بول اٹھا یہ دل تو دلدار آپﷺ کا ہے

دیکھا جو نوری چہرہ بولے بلالؓ حبشی

دل جان جسم میرا سرکار آپﷺ کا ہے

کوثر کی ہے تمنا کوثر ہی دیجیے گا

صائم سدا جہاں میں میخوار آپ کا ہے

عابد حسین صائم